ତୁମ ପ୍ରେମର ରଙ୍ଗ
ରାଜ୍ କିଶୋର ମିନ(ଜାମପାଲି, ବିନିକା ଜିଲ୍ଲା - ସୁବର୍ଣ୍ଣପୁର)
ତୁମେ ଆସିଲ ବୋଲି ମୋ ଦୁନିଆ
ହସ ମୋର ଉଛୁଳିଲା
ଶୁଖିଲା ମରୁର ଏଇ ବାଲି ବନ୍ତରେ
ପ୍ରେମର ପୁଷ୍ପ ଫୁଟିଲା ।
ତୁମ ଆଖି ସେ ଗଭୀର ନୀଳିମା
କହେ ଅନେକ କଥା
ତୁମ ସାଥିରେ ମୁଁ ଚାଲିବାକୁ ଚାହେଁ
ଭୁଲି ଅତୀତର ବ୍ୟଥା ।
ଜହ୍ନ ରାତିର ସେ ଶୀତଳ ଜ୍ୟୋତ୍ସ୍ନା
ଲାଗେ ତୁମ ପରି ସୁନ୍ଦର
ତୁମେ ହିଁ ମୋର ପ୍ରଥମ ଆବେଗ
ତୁମେ ହିଁ ମୋର ମନ୍ଦିର ।
ଯୁଗ ଯୁଗ ପାଇଁ ସାଥୀ ହୋଇ ରୁହ
ଧରି ମୋର ଏଇ ହାତ
ତୁମ ପ୍ରେମ ହିଁ ଜୀବନର ଆଲୋକ
ତୁମେ ହିଁ ମୋ ଶାଶ୍ଵତ ।
