ଦିବାସ୍ଵପ୍ନର ନାୟିକା
କବି - ପ୍ରକାଶ ମେହେର
ଦେଖିଛ କି ହେ! ତୁମେ
ଏ ସୌନ୍ଦଯ୍ୟର ଅପୁର୍ବ ରୂପ
କାହାର ସେ ସବୁ ତୁମେ ତ
ନିଶ୍ଚୟ ଜାଣିଥିବ ।
ସେ ସବୁ କ'ଣ ? ଆପଣ
ନାଁ, ତୁମେ ସେ ଜଗୁଆଳି
କାହା ପାଇଁ ତୁମେ ଅନିଦ୍ରାରତ
ସେ ନାୟିକା ଅରୂପୀ ।
କି ରୂପ ଲାବଣ୍ୟ ତୁମରି! ନାୟିକା
କାହୁଁ ବା ଖୋଜିହୁଏ ତୁମ ଛାୟା
ତୁମେ ମରିଚିକା ସଦୃଶ୍ୟ ଭାବ
ହୃଦୟର ତୁମେ ମାନସୀ ।
ଅର୍ଦ୍ଧ ରଜନୀର ନିଶା ନା ,ତୁମେ
ଶାନ୍ତ ନିରୋଳା ଆକାଶର ସ୍ୱପ୍ନ
କାହିଁ ତ ମୁଁ ଦେଖିନି ଏ ଯାଏ
ସେ ପ୍ରେମିକା ଲାବଣ୍ୟମୟୀ ।
ସବୁ ସେ ମରିଚିକା ନାଁ ! ସଦୃଶ୍ୟ
ଅଲିଭା ରଂଗର ଏକ ଛଦ୍ମ ରୂପ
ସେ କୁହୁକିନୀର କୁହୁକ ତ
ନାଁ ସେ ସବୁ ପ୍ରହେଲିକା ।
ଶରତ ଆଗମନ କି ? ସେ ବଧୂ
ତୁମେ ତ ଆକାଶର ଶଶିକାନ୍ତ
କେବେ ଦୃଶ୍ୟମାନ ବୃହତ୍ ତ
ଏ କେବେ ପୁର୍ଣ୍ଣିମା ରାତ୍ରୀ ।
ସେ ସ୍ମିତ ହସ ବଦନୀ କି ? ହେ
ଅନନ୍ୟା ଶୋଭା କାରିଣୀ ଧରିତ୍ରୀ
ଶୁଭ ସଂକେତ ପ୍ରଦାୟିନୀ ନା
ନା କାହା ପାଇଁ ଦିବାସ୍ୱପ୍ନ ।
ପ୍ରକାଶ ମେହେର
କୁଲିଆବାହାର
ଦେଓଗାଁ, ବଲାଙ୍ଗୀର
