ବ୍ୟଙ୍ଗ କବିତା କବି - ଦିଲୀପ କୁମାର ପ୍ରଧାନ

***ବ୍ୟଙ୍ଗ କବିତା ***

   ଭାଇ ଭଉଣୀ କହ କାହାଣୀ 

ପାଠଶାଠ ଆଜି ଚୁଲିକି ଗଲାଣି 

ପାଠ୍ୟ ପୁସ୍ତକ କୁ ଭୁଲି ଗଲେଣି 

କମ୍ପୁଟର TV ବାୟା କଲାଣି l 

ପିତାମାତା ମନେ କରଇ ଆଶ

ପୁଅଝିଅ ହେବେ ବଡ଼ ମଣିଷ l

ଘର ଘର ବୁଲି ଗୁଲି ଗପ କରୁଥା 

ଦେଶସେବୀ ହୋଇ ଫୋଟ ଛାଡୁ ଥା l

ଥରେ ଯେବେ ହୋଇ ଯିବୁଟି ନେତା 

ପାଞ୍ଚ ବର୍ଷ ଯାଏ ଦେଶ ଲୁଟୁ ଥା l

ଲୋକଙ୍କ ହିତ ରେ ନ ପୁରାଉ ମଥା 

ପଦ ଚାଲି ଗଲେ ପାଇବୁ ଭତ୍ତା l

ଗାଁ ଗାଁ ରେ ସ୍ୱୟଂ ସହାୟକ ଗୋଷ୍ଠୀ 

ଘରଣୀ ବୁଲଇ ଧରି ବ୍ୟାଗ ଭ୍ୟାନଟି l 

ରକ୍ତପିଆ ଓଠ    ପୁଣି କାଳୀ ମୂରତି 

ଘସା ଫୋନ ସହ ଥାଏ ଯେ ସ୍କଟି l

ଗୃହଲକ୍ଷ୍ମୀ ସକାଳୁ ସଞ୍ଜ କରଇ ଖଟି 

ଭାଗ୍ୟେ ଦୋଷ ଦେଇ ସ୍ୱାମୀ କରେ ପାଇଟି l

କଥା କଥାରେ ପତ୍ନୀ ଛାଡଇ ରଡି 

ସ୍ୱାମୀ ଷଣ୍ଢ ହୋଇ ଘର ସମ୍ଭାଳଇ 

ଯେସନକ ଧାଇ ବୁଢ଼ୀ l 

ପାଠ ଶାଠ ପଡ଼ି କରୁ ଶିକ୍ଷକତା 

ଚାକିରୀ ସରିଲେ ପାଉନି ଭତ୍ତା l

ଅଣ୍ଡା ଡାଲି ସୋୟାବଡି ଖାଉଥା 

ଅବସର ପରେ ବିକ ଚା ଦୋକାତା l

ପାଠ ପଢେଇବା ରେ ନଥାଏ ମନ 

କୋଚିଙ୍ଗ କେନ୍ଦ୍ର ରେ ତୁ ଦେଉ ଧ୍ୟାନ l

ଛୁଆଙ୍କୁ ରୁଣ୍ଢେଇ ଟାଣୁ ପଇସା 

ଏହା ହୁଏ ତୋର ନୀତି ବେଉସା l

ଦ୍ଵିତୀୟ ଭଗବାନ ବୋଲି ଦେଉ ସମ୍ମାନ 

ହେଉ ଡାକ୍ତର ଅବା ହେଉ ସର୍ଜନ l

ରୋଗୀ ଦେଖାବେଳେ ଦିଅନ୍ତି ପରାମର୍ଶ 

ବଂଚିବାରେ ଥିଲେ ଆଶା ନର୍ସିଂହୋମ ଆସ l

ସତେକି ଏମାନେ ମଶା କି ଡାଁଆଶ 

ଗରିବ ରକ୍ତ ପିଅନ୍ତି ଛାରପୋକ ସଦୃଶ୍ୟ l

ମାଛ ଖାଇବ ଇଲିଶି ଚାକିରୀ କର ପୋଲିସି 

ନିରୀହ ପାଉଛି ସଜା ଦୋଷୀ ଯାଉଛି ଖସି l 

ଝଗଡା ହୋଇ ନ୍ୟାୟଆଶାରେ ଯିବ ଥାନା 

ପୋଲିସି ଘାଣ୍ଟିବ ଉଭୟ ଦେବ ଜରିମାନା l

ଚୋର ପୋଲିସି ର ଅନାବିଳ ପ୍ରେମ 

     ଦେଖ ରହିଛି ଗୁପ୍ତ ସମ୍ପର୍କ 

ଯେମିତିଆ  କେଶ ହୋଇଥିଲେ ମଧ୍ୟ 

ଫାଇଲ ଚାପିବ ମିଳିଲେ ମୋଟା ଅଙ୍କ l

ବଡ଼ ପେଟ ପୁଣି ନିଶ ମୋଟୁଆ 

     ସାକ୍ଷତେ ସେ କୁମ୍ଭକର୍ଣ୍ଣ 

ବାଲି ଗୋଡି ଠାରୁ ବଟି ମାଲ ଯାଏ 

   ସହଜେ କରଇ ଜୀର୍ଣ l

ସରକାର କରେ ନବ ବନିକାରଣ 

ରକ୍ଷକ ଏଠାରେ କରେ ଭକ୍ଷଣ l

ଶାଳ ପିଆଶାଳ ଅବା ଶାଗୁଆନ 

ସରକାରୀ ଗାଡ଼ିରେ କରେ ଚାଲାଣ l

ମାରେ ଗଜରାଜ କରାଏ ଚାଷ ଅଫିମ 

ଥାଏ ସିଂହଭାଗ ରେ ତା ପକେଟ ଗରମ l

      ଦିଲ୍ଲୀପ କୁମାର ପ୍ରଧାନ 

ସହକାରୀ ଶିକ୍ଷକ,ଉଚ୍ଚ ପ୍ରାଥମିକ ବିଦ୍ୟାଳୟ,ବାରବାଙ୍କ 

       ରେଢ଼ାଖୋଲ,ସମ୍ବଲପୁର