ମହାଳୟା ପିତୃଶ୍ରାଦ୍ଧ(ଅରବିନ୍ଦ ସ୍ୱାଇଁ)

 ମହାଳୟା ପିତୃଶ୍ରାଦ୍ଧ

କବି:-ଅରବିନ୍ଦ ସ୍ୱାଇଁ

ପିତୃ ପୁରୁଷଙ୍କ ସ୍ମରଣରେ ଆସ 

କୃତଜ୍ଞତା ଆମେ ତାଙ୍କୁ ଜଣାଇ l

ସର୍ବ ପିତୃ ଅମାବାସ୍ୟାରେ ତର୍ପଣ 

ଶ୍ରାଦ୍ଧ ଦେବା ଆମେ ଶ୍ରଦ୍ଧାରେ ଯାଇ l

ଭାଦ୍ରବ ପୂର୍ଣ୍ଣିମା ଠାରୁ ପିତୃପକ୍ଷ 

ପାଞ୍ଜି ଅନୁସାରେ ଆରମ୍ଭ ହୋଇ l

ଆଶ୍ୱିନ ମାସର ଅମାବାସ୍ୟା ତିଥି 

ଅନ୍ତିମ ପିତୃ ଶ୍ରାଦ୍ଧ ଦେବା ପାଇଁ l

ମହାମାୟାଙ୍କର ଆବାହନୀ ବାର୍ତ୍ତା 

ଆସେ ମହାଳୟା ମାଟିକୁ ନେଇ l

ନଅ ଦଶ ଅକ୍ଟୋବର ମହାଳୟା 

ଦୁଇ ଦିନ ଅଛି ତର୍ପଣ ପାଇଁ l

ଆତ୍ମା ଶାନ୍ତି ପାଇଁ ଅର୍ଘ୍ୟ ସମର୍ପିବା

ଶାନ୍ତିରେ ବ୍ରାହ୍ମଣ ଭୋଜନ ଦେଇ l

ମନେ ରଖିବାନି ଆବିଳତା କେବେ 

ତାଙ୍କରି ଦାୟାଦ ମାଟିରେ ହୋଇ l

ହିନ୍ଦୁ ପରମ୍ପରା ଅନୁଯାୟୀ ଯିଏ 

ପୂଣ୍ୟବନ୍ତ ପିତୃ ଲୋକକୁ ଯାଇ l

ସ୍ଵର୍ଗରେ ରୁହନ୍ତି ପୂଣ୍ୟ ଥିବା ଯାଏ 

ଦାୟାଦଙ୍କ ଶ୍ରାଦ୍ଧ ତର୍ପଣ ପାଇ l

ପୂର୍ବଜଙ୍କ ସ୍ନେହ ଶ୍ରଦ୍ଧାରୁ ଦାୟାଦ 

ଜୀବନ କାଟନ୍ତି ସୁଖରେ ରହି l

ଗୀତାର ସପ୍ତମ ଅଧ୍ୟାୟରେ ଅଛି 

ଶିବ ପାର୍ବତୀଙ୍କୁ କାହାଣୀ କହି l

ସଙ୍କୁକର୍ଣ୍ଣ ବ୍ରାହ୍ମଣର ମୋକ୍ଷ ଗାଥା 

କହିଥିଲେ ଏଇ ସଂସାର ପାଇଁ l

ପୁତ୍ରମାନେ ସ୍ଵର୍ଗଗାମୀ କରିଥିଲେ 

ଶ୍ରାଦ୍ଧରେ ଭୋଜନ ତର୍ପଣ ଦେଇ l

ମହା ଶକ୍ତି ଶାଳୀ ଜାତକାରୁ ରୁଷି 

ସଂସାରୀ ହେବାକୁ ଚାହିଁଲେ ନାହିଁ l

ଘନ ଜଙ୍ଗଲରେ ବୁଲୁ ବୁଲୁ ଦିନେ 

ଦେଖିଲେ କୂଅଟି ପାଖରେ ଯାଇ l

ପୂର୍ବ ପୁରୁଷ ସେ କୂଅଟି ଉପରେ 

ଓହଳି ଅଛନ୍ତି ଓଲଟା ହୋଇ l

ପଚାରିଲେ ତାଙ୍କୁ ଏମିତି କାହିଁକି 

କଷ୍ଟ ପାଉଅଛ ଉପରେ ରହି l

କହିଲେ କରିବି ପ୍ରତିକାର କିଛି 

ଯୋଗ ବଳେ ତୁମ ପ୍ରାଣ ବଞ୍ଚେଇ l

ହେଲେ ସେ କହିଲେ ପୁତ୍ର ପାଇଁ ମରି 

ନୀଚ ଲୋକେ ଆମେ ରହିବୁ ଯାଇ l

ତକ୍ଷକ ଦଂଶନେ ପରୀକ୍ଷିତ ରାଜା 

ଅଭିଶାପେ ଗଲେ ପାଉଁଶ ହୋଇ l

ତେଣୁ ସର୍ପ ଯଜ୍ଞ କରି ଜନ୍ମେଜୟ 

ସର୍ପ କୂଳ ନାଶ କଲେ ଜଳେଇ l

ବ୍ରହ୍ମାଙ୍କ ଶରଣ ଗଲାରୁ ସେ ତାଙ୍କୁ 

ଜାତକାରୁ ପାଖେ ଦେଲେ ପଠେଇ l

ବାସୁକୀଙ୍କ କନ୍ୟା ସମ ନାମଧାରୀ

ଜାତକାରୁ ସାଥେ ବିବାହ ଦେଇ l

ଆସ୍ତିକକୁ ଦେଇ ଜାତକାରୁ ଗର୍ଭେ 

ସନ୍ଧ୍ୟା କାଳେ ଋଷି ଗଲେ ପଳେଇ l

ସର୍ପ କୂଳ ତହୁଁ ମୁକ୍ତି ପାଇଗଲେ 

ବଂଶ ରକ୍ଷା ଗଲା ତାଙ୍କର ହୋଇ l

ପୁନର୍ଜନ୍ମର ଏ ଚାରିଟି କାରଣ 

କର୍ମର ଆସକ୍ତି ସମ୍ପର୍କ ନେଇ l

ପ୍ରତିଶୋଧ ଆଉ ରୁଣ ପରିଶୋଧ

ଅକାଳ ବିୟୋଗ ଆସକ୍ତି ପାଇଁ l

ପିତୃ ଶ୍ରାଦ୍ଧ ଦିବାଲୋକରେ ଦିଅନ୍ତି 

ପ୍ରେତ କାର୍ଯ୍ୟ ଚନ୍ଦ୍ରାଲୋକେ ହୁଅଇ l

ଅରବିନ୍ଦ ସ୍ୱାଇଁ